政情：今日你上鏡：吳國安馬介欽遊台 想試男子電棒燙

香港中華廠商聯合會副會長吳國安（安哥，右）最近同一班廠商會好友去台灣玩，今次吃喝玩樂嘅重心唔係喺台北，而係民風淳樸、更具懷舊色彩嘅中南部。尋日朝早，一行人經過台南一間大門深鎖嘅民宅，生晒銹嘅鐵門外，掛住一幅寫住「男子電棒燙」嘅廣告布簾，驟眼望去都唔知係賣乜？安哥就話，其實係一間台灣早期嘅舊式理髮店，電棒燙係用發熱嘅電棒當髮捲，可惜今次太勿忙，冇時間去體驗，團員之一嘅副會長馬介欽（左）就話幾有趣，下次要去試吓喎！