政情：歐陽伯權自爆雙眼腫瘤 全球首例

朋友勸先肯睇醫生

歐陽伯權尋日現身公開活動，呢位港鐵接任人吸引唔少在場人士注意。大家見到佢眼紅紅，於是就問佢乜事。佢就話係因為年初做過眼部手術，佢雙眼都發現腫瘤，好彩之後檢驗證實係良性。不過因為雙眼都有事，醫生就話全球首例，於是仲叫佢簽表格，畀佢哋用佢嘅個案撰寫醫學期刊。

佢又叫大家唔好睇輕眼紅問題，事關佢之前已出現眼紅一段時間，都係朋友勸佢，先肯去睇醫生。好彩發現得早，可以及早治療咋。佢又話，依家雙眼久唔久都會痛，所以眼藥水不離身。希望佢快啲好番，唔會影響到佢遲啲接手港鐵工作啦。