政情：劉聖雪擘腿賀黨慶
行政會議成員兼立法會議員創立嘅新民黨，尋日舉行八周年黨慶，唔少成員都好似台慶咁施展渾身解數賀一賀，好似向來玩開音樂嘅立法會議員容海恩就再次獻唱，而曾參選港姐嘅社區發展主任劉聖雪（Dana）更展示出佻脫一面，喺台上跳嚟跳去，連一字馬都出埋，真係瞓身演出。
話跳開舞唔算難
Dana同訓練有素嘅香港花式跳繩學社合作，喺台上大玩花式跳繩，作為業餘嘅Dana大部分時間企後面，同埋只跳相對簡單嘅動作。就算動作簡單，但見佢間中都有失「腳」棘一棘，但佢就有撒手鐧搶分，就係展示一字馬。佢話跳開中國舞，呢個動作唔算難，但因為少咗拉筋，感覺筋骨比以前硬，但經過苦練後，都算滿意自己表現喇。