政情：公民講場：衝擊政總唔認錯 蔣麗芸鬧爆黄之鋒

包括香港眾志秘書長黃之鋒在內嘅「雙學三子」，早前就衝擊政府總部東翼前地（俗稱公民廣場）案終極上訴得直，即時獲釋。立法會議員蔣麗芸尋日同黃之鋒一齊出席論壇後，指當日衝入公民廣場，黃之鋒係主使者，叫大家衝入去後，就搞到啲人擒過欄杆同搖鐵門，但佢依家都仲覺得自己冇錯，完全開脫自己所犯嘅罪行，又話佢到依家仲未知道自己錯喺邊度。所謂「裝睡的人叫不醒」，蔣麗芸咁勞氣，睇怕都叫唔醒黃之鋒o架啦！