政情：今日你上鏡：多年冇入市 劉怡翔淡定看波動

股市經歷過大牛市後，近日插水，小股民心情同身家好似坐過山車咁，但財經事務及庫務局局長劉怡翔就淡淡定定嘞！點解？佢話未加入政府前，喺金融管理局工作多年，即係一直都做監管工作，所以已經好多年冇買股票嘞，大熊市唔會特別傷心，大牛市亦唔會特別開心。損失咁多投資機會，咁佢有冇後悔呢？佢就話冇後悔，做得監管機構都預咗，而且覺得工作有意義喎。