- on.cc 東網主頁
- 4月8日 (二)
社區組織協會尋日早上舉行立法會九龍西補選論壇，邀請三名候選人民建聯鄭泳舜、原建築界議員姚松炎、及無黨派人士蔡東洲出席同基層市民會面，當中鄭泳舜缺席論壇遭到在場市民炮轟。社區組織協會社區幹事吳衛東於論壇前透露，約兩星期前已邀請三位候選人出席是次論壇，但鄭嘅助理於約一星期前先答覆有事未能出席，當問及係咪有另一時間同基層市民會面，對方未有回覆。
喺幾年前退出民建聯嘅蔡東洲於論壇上尋人，話「鄭泳舜喺邊度？出嚟，企出嚟！」，佢更一度高舉標示鄭缺席嘅道具。
講番今次論壇，蔡東洲及姚松炎發言時均稱，希望可立法禁止歧視新移民、增建公屋、增加醫療保障等，其中蔡東洲更一度建議全面取消醫療劵，希望令診所減少獲利，畀有能力、有經驗嘅醫護人員能重返社區，有關言論即時引起台下市民嘩然，蔡其後先改稱自己係支持就此立法規管。
蔡東洲同姚松炎其後又一同簽署「基層市民十大訴求承諾書」，但姚松炎只願意簽署十大訴求嘅其中五項，遭在場市民質疑，特別係姚曾表達支持及早批准單程證嘅立場。姚松炎回應稱，現時審批單程證制度唔夠完善，建議應引入計分制模式。
卓妮
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
