人稱「毛婆」的毛孟靜其實一啲都唔靜，譬如早前反對派成立「一地兩檢關注組」舉行記招時，毛婆就話動物不會發聲，擔心牠們的安危喎！佢聲稱如果有人在內地口岸區買賣、虐待或遺棄動物，根據內地法律是完全合法，因為香港作為文明社會，是絕不可以容忍云云。嗱！呢啲就叫廢噏，利用動物反一地兩檢，如此神級搞笑，也只有食飽飯等拉矢者才諗得出！
毛婆至叻就係聲大夾惡兼雙重標準，之前佢瘋狂攻擊何君堯，就「殺無赦」小題大做提出譴責動議；然則當小學雞游蕙禎及梁頌恆硬闖立法會會議廳死都要重新宣誓時，佢就挺身而出做人肉盾牌，處處維護游小學雞。對兩隻小學雞嘅辱華言詞又唔見佢譴責，自己涉僭建拒還原車房，就一味厚顏無恥顧左右而言他。人家鄭若驊連番道歉之後，立即安排工人善後，毛婆卻大玩語言偽術，又話買入時就係咁，咁鄭若驊亦然，何以律政司司長要拆而毛議員不拆？難道毛婆識魔法，叫條毛變免拆金牌？
毛婆臭史一籮籮，曾捲入黑金醜聞，漢奸黎親口承認，毛就矢口否認，事件又不了了之，然則代表其白過白紙耶？佢參與非法佔中期間購買帳篷、發電機等的八千元，竟然用公帑報銷，拿着政府的資源反政府，同文認為如非練就厚黑學之「厚且硬，黑而亮」的第二種境界，肯定做不出來。老朽在網上見佢聲色俱厲指斥一本二年級普通話教科書的內容，只不過因為有「我是中國人」一句，佢就話家長要因此轉校，又話喺美國甚至會暴動，痛陳此乃「洗腦教育」，認真九唔搭八。立法會之所以被譏諷為「垃圾會」，就係多得毛婆呢啲聲大大冇貨賣嘅「尊貴議員」唔少！和蠢人爭論，徒惹谷氣。一個修成正果的厚黑學議員，哪會察覺自己長期高薪厚酬在廢噏，身郁唔見米白！