政情：今日你上鏡：畀嘩鬼嚇親柯仔變晒樣

搞乜鬼？立法會議員柯創盛（柯仔）「變臉」？原來柯仔早兩日去萬聖節活動，畀小朋友扮鬼個樣嚇親，所以露出呢個驚嚇表情。咁細膽o架！柯仔話呢十年嘅萬聖節都會搞嘩鬼之夜，仲會整鬼屋畀小朋友玩添，開初搞嘅時候，街坊都話唔係咁驚，後來佢搵咗學生扮鬼扮馬，加上LED燈，尖叫聲都多咗，今年效果就最驚嚇，因為係大專生同中小學生合作，班學生出動埋血手，自己入去玩嗰陣，都有啲怕怕。