政情：工聯選立會　首要「洗白白」

所謂「洗白白」課程，簡而言之就係教班參選人點樣避免缺失，如果參選人真係有問題嘅話，唔該盡快合法去解決，解決唔到就唔好出選，以免拖累同僚選情。工聯會嚟緊九月全面參加直選，全港五區同超級區議會都會派人，唔通係怕被建制派嘅自己友抹黑，所以做定嘢先？

工聯會個選舉「風車陣」講咗超過一年，棠哥為咗籌募選舉經費，未來會舉行大型籌款，呼籲會員最少捐十蚊畀工聯會，目標希望籌到二千萬元。同樣榮升榮譽會長嘅「票后」陳婉嫻話，嚟緊會約候任特首梁振英（CY）會面，傾吓社會流動性議題，佢呼籲CY一定要交代標準工時立法進程，否則唔使旨意連任喎。