政府嘅施政亂晒龍，一時話希望立法會通過高鐵一地兩檢方案嘅動議後，有民意支持，但見到泛民拉布，又即刻話可能唔等動議獲得通過就展開「三步走」，又惹起一番爭議，都唔知泛民喺嚟緊嘅大會又會搞乜花臣拉布？呢個火頭未撲熄，跟住有政府高層又話公屋八十萬個封頂，搞到運輸及房屋局局長陳帆頻頻解畫。一個又一個火頭燒埋身，陳帆淨係撲火都撲到一頭煙喇，都唔知點收科？
