政情：八網難逃：蘇偉文買蛋撻計過度過

立法會正就政府提出嘅高鐵西九龍站一地兩檢議案拉布。本周三大會期間，負責一地兩檢工作嘅運輸及房屋局副局長蘇偉文就喺立法會同職員捧住幾盒大型連鎖餅店嘅蛋撻周圍派，又賣口乖話係運房局局長陳帆請嘅，仲話辛苦晒大家。不過，有網民就發現，原來蘇偉文幫襯嘅呢間大型連鎖餅店蛋撻做緊買四送二優惠，唔通經濟學者出身嘅蘇偉文真係咁精打細算，連買蛋撻都要計過度過？