政情：公民講場：公屋買少見少 市民多得政府唔少

香港樓價貴到非一般小市民可以負擔，市民唔止「上車」難，輪候公屋亦都難。喺公屋輪候冊有成二十八萬宗申請，大把基層市民等緊上樓之際，政府竟然話依家已經有七十六萬個公屋單位，遲啲會增加到八十萬個，已經足夠滿足基層家庭嘅需要，所以日後要將大部分嘅新建公屋轉為出售畀公屋住戶嘅綠置居。綠置居可以幾有效令公屋住戶騰出公屋單位去買樓，呢個問題相信連運輸及房屋局局長陳帆都好難答，但政府依家就疑為公屋建屋量封頂，等同逼市民去捱貴樓，如果樓價下跌，基層市民真係多得佢唔少。