政情：黃玉山緊貼潮流 公大開運動新課程

鼓勵學生參加文藝活動

講起唔少僱主聘請大學畢業生，唔單止睇成績，仲會睇吓畢業生以往參加過咩活動。

黃玉山坦言，公大予人感覺入學成績差少少，所以佢都經常鼓勵學生參加文藝等活動，可以增強自信心之餘，又有助將來就業。佢又透露，公大最近都有好多新嘅研究項目，但研究乜嘢呢？佢就賣個關子喇。

黃玉山亦身兼港區全國人大代表，佢透露如果時間許可，都會考慮繼續爭取連任，因為可以就香港對內地嘅睇法表達意見，又可以了解內地多啲，再反映畀香港人知道。