政情：貓奴劉國勳預咗垃圾開支大增

受太太感染由怕變愛

劉國勳貴為貓奴，但其實佢由小到大都好怕小動物，甚至可以話非常抗拒，但受愛錫小動物嘅太太感染而改變。佢透露，愛貓係從議員辦事處附近執返嚟養，當時身形只係比手掌稍大，但依家已經肥肥白白。一講貓就眉飛色舞，佢更話養貓係終生承諾，即使將來有小朋友都唔會棄養，因為見到親友嘅小朋友都可以同貓和平相處，所以覺得相處唔會有困難喎。