政府日前拋出垃圾徵費計劃即刻惹起好大反彈，環境局局長黃錦星（星星）尋日上電台節目解畫，多名市民狂轟呢個計劃執法好難，加重基層市民嘅負擔，又鬧爆計劃要買專用嘅膠袋去計收費，但依家好多市民都係以超市膠袋裝垃圾嘅，新計劃會產生更多膠袋，咁樣有違源頭減廢嘅原意。老實講，政府早前轉用細口嘅垃圾桶已經搞到滿街垃圾，依家垃圾徵費用指定膠袋，變咗源頭增廢，簡直係本末倒置呀！
