南韓近年積極發展電競運動，更經常舉辦各種大型賽事，而賽場中嘅焦點，除咗一班選手外，仲有一眾性感迷人嘅電競女郎。而講到喺電競界及車模界均人氣高企嘅女神級模特兒，絕對不得不提呢位冒起得極快嘅宋姝雅。
出生於南韓慶尚南道昌原市嘅宋姝雅，其實喺模特兒界發展生涯並唔算長，事關佢喺2014年中先至出道，憑住高挑及玲瓏浮凸嘅火辣身材，好快被公司力捧，安排佢以車模身份喺車展上登場，擁有出眾外形嘅佢，配合性感迷人嘅賽車女郎制服，即時成為展場中最亮麗嘅焦點，加上佢高貴大方嘅氣質，以及一對修長嘅美腿，吸引一眾龍友嘅注意。自從呢次處女演出後，佢不但人氣急升，喺網絡上更係人氣大爆發，個個對佢有讚冇彈，喺2015年4月舉辦嘅第4屆韓國賽車模特兒大賽中，佢更獲得最佳新進模特兒獎，獲獎之後，工作量大增，不但成為多個大型車展及賽車場上嘅常客，同時又化身成為商品模特兒，喺各個珠寶、遊艇、電子產品展覽上登場。不過2015年嘅事業發展，仍未係佢嘅巔峰時期，皆因去到2016年佢踩出模特兒界，喺自由搏擊比賽中擔任Round Girl，又喺電競比賽中以電競女郎身份示人，同時又客串做現場採訪女郎，大量嘅曝光機會，令佢人氣不斷爆升，更讓人知道佢原來口才了得。
近期經常喺電競運動同展覽會登場嘅姝雅，早就被一眾電玩迷封為電競女神，佢每次現身，都總會引嚟粉絲尖叫。唔知私底下嘅佢，又係咪一位電玩迷呢？大家咪睇佢擁有時尚嘅氣質，就以為佢平時最大嘅樂趣唔係美容，就係行街購物，原來佢經常留喺屋企打機，即使行街，佢都只會逛遊戲機專賣店同電腦商場。唔講唔知，原來佢對電腦有相當深厚嘅認識，不但認識各種電腦術語，講起超頻更係頭頭是道，唔知嘅話，仲以為佢從事同電腦相關嘅工作添！佢表示之所以對電腦及打機有咁強烈嘅興趣，係因為自細鍾意打電腦遊戲，不過當時佢對電腦一無所知，每當電腦出現問題時，總要搵朋友幫忙，為咗唔想麻煩到人哋，同埋唔想自己心愛嘅電腦畀人掂，佢決定努力學習電腦知識，慢慢就變成一位電腦迷。佢又話曾經打算學習編寫程式，但由於工作忙碌關係，最後打消咗呢個念頭。講到佢最愛玩嘅遊戲類型，佢就話係多人線上戰術擂台型遊戲，事關呢種遊戲講求個人技術同臨場反應，仲要跟隊友配合，先至可以獲得勝利。事實上，精於呢種遊戲類型嘅姝雅，曾喺電玩展中露過身手，技術之高更獲得專業電競運動員激讚添！
出生地：昌原市
身高：170cm
三圍：35、25、36
簡介：宋姝雅打機打得有幾勁，相信唔係好多人見過，但係講到佢外形有幾咁迷人，大家有目共睹，莫講話佢對35吋雙子峰有幾咁激凸，單係一對修長美腿經已叫人流晒口水，如果大家想欣賞阿妹更多靚相，就要Click入佢嘅IG喇！
網址：https://www.instagram.com/ww0205ww/
撰文：魂