胡適晚年，抄錄顧炎武詩「遠路不須愁日暮，老年終自望河清」自勉；眼前香港佔領行動遍地開花，幕後黑手及外部勢力依然未肯收手，年輕學子昧於形勢，未懂珍惜香港呢個「福地」，不知尊重多元、兼容並蓄才有出路！老朽只能書寫「遠路必須愁日暮，老年終日望道清」自勉！畀條路行吓，唔通真係咁鬼難？
有人問：上錯咗賊船要怎麼辦？答：梗係要撥亂反正、盡快跳船！
然而，年輕人就係「勇」字寫在心口上，豪情高唱「海闊天空」，自己愛自由，不管他人痛失日常生活上的自由，無視高院頒布的禁制令，依然要的士、運輸業前路茫茫，米路被重重阻塞，你叫佢哋如何展開笑容？
旺角黑夜，使人心寒。抗爭者無懼無畏，早有準備——口罩、保鮮紙、頭盔、雨傘，「抗爭四寶」化解警察嘅胡椒噴霧、催淚煙、警棍。「公民抗命」、「愛與和平」早已遠離整個運動！背棄和平初衷，海闊天空的「自由」，只會是一場難以估計嘅災難。香港今日成為動亂之城，佔領之都，日日叫囂，獅子山下永無寧日，爛果報一味散播仇恨種子，敵對中央、唔妥政府。
淫賤黎密謀佔中，求助於台灣嘅施明德，密談錄音曝光，淫賤黎話不怕坐監，尋且準備死添！看來，毒蘋果種得太多，唔覺意也吞了好幾個，難怪毒氣上腦，梁山泊水滸上身！佔領行動失控，「佔中三子」始作俑者，固然難辭其咎；而淫賤黎興風作浪，自作孽，不可活，你死你賤！
然而，空有赤子之心嘅學生們，請暫拋開幻想，圓老朽一個「望道清」嘅卑微夢吧！回到美好校園，為自己先讀多幾本書吧！原諒老朽家貧，冇錢買糖，膝頭硬化，不向你們下跪了！