政情：訪挪威國會 莫乃光遭「棒喝」

立法會議會聯絡小組組團出訪北歐三國八日，仲參觀咗挪威國會。隨團嘅資訊科技界議員莫乃光（Charles）就發現，挪威國會議員投票時只可以投支持或反對票，唔同香港立法會議員可以投棄權票。當Charles同喺國會工作嘅人講起兩地議會嘅不同時，對方就反問Charles︰「你咁辛苦選入嚟，投棄權票？」對於有啲講就天下無敵、投票時就「猶抱琵琶半遮面」唔想表態而投棄權票嘅香港立法會議員，會唔會覺得好羞愧呢？今次班議員去考察真係當頭棒喝！