渡海濠情：不羈男友 嚮往自由
男大當婚，女大當嫁，好多情侶拍咗幾年拖就會拉埋天窗，但係有啲人一提到結婚卻耍手擰頭，嚟自大富豪桑拿嘅洋洋就話：「我家姐嘅人馬座男朋友一話結婚就變面，最後仲分手收場添！」
寧願分手
洋洋話：「家姐大我3年，佢未畢業就同男朋友拍拖，男方為人浪漫又細心，經常出冧招製造驚喜，所以當年我都想搵個咁浪漫嘅男朋友。佢哋拍咗3年拖之後，家姐就同男友談婚事，對方即時搬出大堆藉口拒絕，家姐起初都唔想逼佢，後嚟雙方家長都想佢哋快啲結婚，於是由雙方家長安排婚事，點知條友竟然反對，又話呢樣，又話嗰樣，總之就係唔想結婚，最後佢仲提出分手添！」
無拘無束
係咪有第三者呀？洋洋話：「我哋起初都以為係有第三者，後嚟發現佢同家姐分手後，至識到第二個女朋友，據知當佢女朋友話要結婚時，佢同樣拒絕。後嚟我同啲對星座有研究嘅朋友講起呢件事，原來人馬座天生喜歡無拘無束，嚮往單身自由自在嘅生活，佢寧願同深愛嘅女人分手，都唔想結婚被約束，所以人馬座係拍拖曖昧期最長嘅星座，想同佢哋結婚，確定關係及名份真係十分困難，就算等到老都未必等得到呀！」
洋洋 Profile
年齡：21歲
三圍：34-24-34
人馬座特質：玩世不恭
由於人馬座嘅朋友喜歡自由自在、無拘無束的生活，就算談情說愛，都喜歡一味玩曖昧，要佢終結愛情長跑時，佢哋會千方百計找藉口，所以同人馬座情人拍拖會好開心，但要結婚就好難成事！
人馬座下周性愛運程
狩獵運：4分
甜蜜運：4.5分
戰鬥運：3.5分
（以5分為滿分）
撰文：小德
攝影：阿德