政情：抗議血汗工廠 「果粉」李卓人被寸爆
因捲入政治捐款醜聞變得異常低調嘅工黨立法會議員李卓人真係「頭頭碰着黑」，尋日又被網民翻舊帳。iPhone 6手機尋日開始在本港瘋炒，一批「大學師生監察無良企業行動」成員早上就去到中環ifc商場間蘋果旗艦店外抗議，批評蘋果在蘇州嘅代工廠剝削員工。
李卓人所屬嘅職工盟亦派員到場聲援行動，但有心水清嘅網民就搵番一張李卓人嘅舊照，見佢手持iPhone及腋下夾着部iPad，揶揄佢身為「果粉」講一套、做一套，更附上抵死對聯：「工人做到死死下（吓），卓人賤到笑哈哈。」網民更呼籲示威者下一站應到李卓人嘅議員辦事處抗議喎！我哋都有翻查資料圖片，發現網民所言非虛。
