政情：孔令成新上任錫身拒扮鬼

農曆七月盂蘭節將至，海洋公園又搞「哈佬喂」活動，但本月剛上任嘅新任主席孔令成尋日同傳媒聚會時，就「談鬼色變」，拒絕以「鬼樣」見人，聲言前主席盛智文（Allan）係扮鬼嘅最適合人選，無人能取代，仲暗示Allan可能會復出扮鬼添！咁Allan咪可以繼續搶晒風頭？

正當外界均關注孔令成如何能超越Allan深入民心嘅主席形象，以及會否擔心Allan出任大樹灣發展項目顧問會予人「垂簾聽政」嘅感覺，孔令成則定過抬油，還打趣說：「佢（Allan）好即係我好，絕對唔介意」，聲言每個主席都有壓力，邊個做都唔緊要。佢仲自爆同Allan好老友，成日傾電話，明白對方嘅想法。