政情：今日你上鏡：國泰CEO 置身「弦」中

每年夏天，亞洲青年管弦樂團（亞青）嘅團員都會短聚六星期，進行樂團排練營及巡迴演出，日前佢哋就於香港演藝學院音樂廳舉行第二十四屆排練營揭幕禮。我哋見到國泰航空行政總裁朱國樑（Ivan）都有捧場，仲難得被安排置身於樂團團員席之間，以第一身角度欣賞由二萬多人甄選出來嘅一百一十位青年音樂精英演奏。Ivan話，佢鍾意嘅音樂類型好廣泛，由古典音樂到流行曲通通都唔放過，好似喺屋企就最適合聽爵士樂喇，放工之後細聽夠晒放鬆。