功夫茶早就講過，東方報業集團旗艦網站「on.cc東網」與時並進，推陳出新，不斷提升功能，加強服務，真係冇花冇假o架。呢嗱，剛剛踏入二○一四年，東方報業集團又有新貢獻喇，今次嘅亮點係「ontv東網電視」，明日起隆重推出四個自己製作嘅時事評論節目，廣邀名家名嘴，解讀熱門話題，緊貼時代脈搏。上東網，知天下，一啲都冇誇張o架！
乜嘢評論節目咁隆重吖？等功夫茶為大家一一介紹。四個全新打造嘅時事評論節目分別係，《港是港非》、《港事串燒》、《正反論壇》，同埋由立法會議員黃毓民主持嘅《毓民踢爆》。淨係聽節目名已經夠晒火爆，大家只要登入東網或「東網港澳」App，按入ontv東網電視，就可以隨時隨地收看精彩內容，保證令你眼界大開。
唔係賣花讚花香o架，四個評論節目內容多元化，各有各精彩。《港是港非》深入淺出分析即日新聞，為讀者理清來龍去脈；《港事串燒》濃縮過去幾日嘅新聞精華，揭示各事件對社會嘅影響；《正反論壇》就社會時事熱話，邀請唔同意見陣營，從正、反兩面探討重大社會議題，務求令真理愈辯愈明；而由黃毓民議員主持嘅《毓民踢爆》，就以獨特角度剖析社會時事，以精闢見解刺激觀眾思維，包你拍案叫絕。
其中將於明早六時半前播放嘅首集《正反論壇》，邀得社區組織協會幹事蔡耀昌及反對濫用綜援大聯盟召集人李梓敬，從正、反兩方面討論終審法院去年底關於新移民申領綜援嘅裁決，兩人各有見解，火花四濺，令人熱切期待。
具體播放安排係咁嘅，四個評論節目將於明早六時半前同步推出，以後就會回復正常，各個節目分別於周一至周日播放，換句話講，只要緊貼東網電視，每日都可以觀看精彩節目。正所謂，日日有新意，生活充實啲，係咪！
當然喇，口味人人唔同，興趣個個有別，為咗照顧唔同觀眾嘅需要，東網電視除咗打造全新嘅時事節目，仲有好多選擇o架。例如輕鬆娛樂節目《娛樂onShow》，專訪城中名人，不乏真情剖白；又如財經節目《股民信箱》為股民解答股市疑難，助你投資頭頭是道。總而言之，東網電視內容豐富，多姿多彩，梗有一樣啱你口味！
所以話，東網在手，天下我有，東方報業集團銳意發展新媒體，服務全球華人，精彩陸續有來。喺度順便提提大家，「東網港澳」App為咗方便讀者，特設「更新提示廣告」，一按即可更新，方便快捷。多謝各位捧場！