政情：公民講場：貪湯閃縮 搵女人代發聲

前任廉政公署專員「貪湯」湯顯明自從被指濫用公帑外訪、酬酢及送禮之後，社會不斷有人批評佢用錢買政協做，而貪湯亦自此銷聲匿迹咗半個月。直至日前，先有番啲聲氣。有位聲稱係貪湯好友嘅梁小姐向各大傳媒發表聲明，話貪湯現正喺海外探親，要一、兩個星期先返到香港，又話應該交代事件，不過要遲啲。呢個聲明仲好強調咁話，貪湯好早之前已決定去探親，同近日嘅事件無關喎。其實貪湯呢件事都傳咗好幾個星期，點解呢幾日先託朋友發聲明，但又唔交代事件呢？做事藏頭露尾，真係鬼祟至極。