政情：廢腑之言：民協廖成利褪軚仲死撐
做政治人物，無論咩立場都唔緊要，最忌係做政壇變色龍、立場搖擺不定。民協廖成利打滾政圈咁多年，尋日就正正犯咗呢個錯誤喇，佢喺真普選論壇期間同人民力量譚香文激辯，之後廖成利回應譚香文一句「剃人頭者，人亦剃之」，本來呢句說話無乜問題，點知在場一班人力支持者聽到就好不滿，猛咁要求廖成利道歉。
收回「無錯」言論
其實廖成利深信自己無錯，佢絕對可以企硬唔收番，點知唔夠五秒鐘佢已經褪軚，會收番自己嗰句「剃人頭者，人亦剃之」。
正當人力支持者諗住「成功爭取」民協道歉後，廖成利又嚟個反高潮，話雖然收番句說話，但仍然堅持自己所講係無錯。試問無錯又點解要收回
言論呢，真係令人百思不得其解。