網誌轟團體圖癱瘓政府
陳茂波尋日再次化身「鍵盤波」，以網誌怒轟反對中環用地劃做軍事用地嘅團體。佢話城規會二月中就軍用碼頭地皮改為「軍事用地」嘅修訂刊憲，申述期截止最後一日早上，城規會只係收到不足十份申述書。
不過，當日有報章作出不確實嘅報道，繼而又有個別團體響網上「加料」傳播，以失實指控誤導公眾兼引起恐慌，搞咗一輪，結果城規會最後收到近萬份申述書。
佢直斥呢啲團體利用現有制度和程序，試圖癱瘓、甚至推倒多年幾經諮詢、匯聚各方意見而成嘅碼頭設置，仲話呢種手法值得大家反思。
如果佢喺現身活動時親口講出呢啲睇法，咁唔係有更多人明白，引起更多人反思咩？