政情：葉劉被指濫權 幫人辦快證

我哋尋日收到有市民投訴，話喺一○年九月南區區議會薄扶林選區補選時，當年葉太領導嘅匯賢智庫支持義工劉應東參選，期間請來港大職工會理事長朱記東站台，事後成功拉攏港大職工嘅票源支持。咁啱之後朱記東嘅家人有急事要離港，但起行前幾日先發現冇有效護照，所以朱即時向葉太求助。

投訴人爆料話，當時葉太一口答應朱嘅要求，又炫耀話可以叫入境處舊部幫手，相信最快一日內取得新護照喎。葉太接受查詢時承認認識朱記東，但否認曾經濫權幫佢嘅家人辦快證，因為平時都好多街坊有同類求助，佢一貫做法都係畀意見佢哋參考，強調冇能力幫人辦到快證喎。