巴士站蓋失修爛蓉蓉
張小姐（化名）每日均乘搭新巴9號線來往石澳及筲箕灣，年前已發現歌連臣角石澳道往筲箕灣方向的分站上蓋損壞，經多次反映仍不獲正視，不滿新巴虛應市民投訴，服務水平遠低於市民期望，「呢年幾成日打電話畀新巴投訴，次次佢哋都話會搵人跟進，點知一路都冇人理，啲鐵皮依家已經又穿又爛！」
新巴發言人表示，會盡快安排修復有關車站設施，工程預計於六月內完成，並就事件為市民帶來不便致歉。
「希望新巴唔好得個講字，要快手快腳整番先好！」張要求新巴盡快維修該車站上蓋，以免鐵皮蓋破損程度加劇，影響結構安全，同時避免候車乘客於雨季期間「中頭獎」，「六月先開始修理已經太遲，雨季都嚟緊啦！」