暢銷嘅情色小說最緊要夠鹹味，之但係稱得上一本叫好叫座嘅作品，肯定要做到「情理之中，意料之外」，今次介紹呢本《In Her Sister's Shoes》就係好例子。雖然書名有點老土，但係劇情相當吸引，故事講述一對雙胞胎姊妹，家姐嫁咗畀個好老公，而老公亦深愛老婆，但細妹其實早於家姐未嫁時已暗戀姐夫，呢個秘密畀家姐知道後，於是家姐瞞住老公一個人出遊，讓細妹扮佢10日，為咗成功呃到老公，仲教細妹以月經來潮、心情不佳為由婉拒性要求，細妹表面上極不情願，實情係想家姐一去不返。而家姐話就話一個人去旅行體驗，根本就係背夫偷食，最終兩姊妹按計劃行事。你以為姐夫最慘，查實佢先係真正嘅大贏家，雖然佢深愛老婆，但從來冇講過對細妹冇性趣喎，最抵死係雙胞胎可遇不可求，早就想玩3P。第一炮嗰晚，喺床上老公又點會分唔到老婆嘅反應吖，平日搞極都係死魚咁，呢晚卻變得欲求不滿，以往唔畀玩嘅花招，亦都一晚玩盡晒！10日話咁快就過，大家估吓最後佢哋會發展成點？