on.cc東網直播港超聯激戰連場：陽光元朗搶W謝幕強戰香港飛馬

陽光元朗上輪聯賽小勝夢想FC1比0，主教練曾昭達表示，接近季尾開始在人腳方面作輪換，亦對效果感滿意︰「士氣都唔錯，雖然狀態爭少少，我上場比賽畀一啲平時踢得較少嘅球員上陣，好開心球員好快適應到。」「達Sir」續道︰「今場對手實力強，佢哋目標好明確，要爭次名攞亞協盃資格，但我哋都希望喺最後一場主場賽事贏波，所以今場相信大家都會搏甩髀。」

另外，陽光元朗今日會安排「雙料娛樂」，頭場下午3時上演「元朗區中學丙組足球賽決賽」，由伊利沙伯中學舊生會湯國華中學，火併天主教崇德英文書院。會方希望藉此打造地區體育盛事，吸引更多市民入場觀賞，進一步宣傳足運。

「光Sir」落柯打唔輸得

目前於聯賽落後和富大埔1分，但踢少1場的香港飛馬，由於曾經在首循環擊敗過和富大埔，在同分計算對賽成績下，只要今仗對元朗，以及下場鬥大埔的聯賽不敗，便可獲得聯賽亞軍。飛馬上仗於菁英盃4強遭「綠戰士」絕殺，主教練楊正光坦言球隊表現有待改善︰「個人覺得上場波係今季整體表現較差嘅一場，攻同守都有個別失誤，踢多1人嘅時候，進攻上又唔能夠有好發揮，踢唔出應有水平。」

儘管球隊菁英盃4強止步，但足總盃仍有望爭標，「光Sir」勉勵球員不要放棄︰「4月開始已經同球員講，每場波都咁重要，要當決賽踢，要毫無保留堅持到底，每場波都要贏。雖然輸波時，士氣必定低落，但球員今季克服過唔少難關，相信可以即時反彈。」上仗分別因傷退下火線的利馬、林樂勤及黃俊皓，3人日前經已復操，惟有待觀察才決定是否正選上陣。

本周賽程

中銀人壽香港超級聯賽

5月1日 （二）

標準流浪 Vs 東方龍獅

深水埗運動場

下午2時30分

$80、$30（特惠票）

陽光元朗 Vs 香港飛馬

元朗大球場

下午5時30分

$60、$20（特惠票）

足總盃

5月5日 （六）

冠忠南區 Vs 和富大埔

旺角大球場

下午3時

$80、$30（特惠票）

5月6日 （日）

傑志 Vs 香港飛馬

旺角大球場

下午5時30分

$80、$30（特惠票）