男人天生鍾意𥄫女，尤其係巨乳索女，有得𥄫一定唔會放過機會！好似早前日本有間臥室用品公司搵嚟超萌兼巨乳嘅Cosplayer拍攝產品宣傳照，結果個個男人都留意巨乳妹多過件產品，究竟對公司嚟講係好事定壞事呢？
有時啲嘢就係咁喧賓奪主，好似一啲商品鍾意搵模特兒拍廣告，結果顧客留意模特兒多過件產品。話說日本專售臥室用品嘅創意品牌Bibilab，最近推出一款名為「人類用寵物屋」嘅產品，以貓屋為設計概念，最大賣點係並非畀貓瞓，而係畀人瞓，據稱可以讓貓奴體驗到貓咪嘅生活環境，同埋予人一種安全感。究竟有冇咁嘅作用真係唔知，只係知道呢件產品嘅宣傳照一出，網民嘅談論唔係件產品，而係產品旁邊化身成可愛貓娘嘅模特兒，佢嘅樣貌同動作都「卡哇伊」到震，究竟佢係邊個呢？
原來佢就係宮本彩希，喺日本Cosplay界相當有人氣，曾扮演過唔少性感動漫角色，亦經常為唔同商品拍宣傳照。喺1989年7月6日於日本千葉縣出生嘅宮本彩希，唔單止樣靚，身材更係正到爆，34E-23-33嘅三圍數字絕對係魔鬼級數！雖然希妹今次冇展現一對激凸巨乳，但係唔緊要，大家可以去佢嘅Twitter慢慢欣賞，當中有唔少火辣寫真。話說回來，大家覺得呢個寵物屋定係巨乳貓娘吸引啲呢？
白色純棉底褲予人純情感覺，若然加埋粉紅色蝴蝶結嘅話，萌味十足，令人愛不釋手。專門售賣搞鬼產品嘅日本公司Village Vanguard，為咗滿足大家對純白色加粉紅蝴蝶結底褲嘅需要，特別推出「Party Goods」（パーティーグッズ）系列，繼超大型純白色底褲咕後，仲有呢個名為「底褲胸圍」（パンティブラセット）嘅內衣，可以話係將純白色底褲嘅誘惑推至極限。
聽佢個名好似冇乜特色，但係大家睇到呢件內衣之後，一定會被佢深深吸引！純白色棉質T-Back，配上兩條白色底褲造型嘅胸圍，將純白棉質底褲嘅吸引力推至高峰。據廠商介紹，呢個設計標誌住胸圍同底褲嘅新時代到臨，不但將純白棉質底褲同女性內衣完美結合，以純棉製造嘅內衣，更係畀到女士們極大嘅舒適感，最重要係呢款咁別致嘅內衣，令男士極具視覺享受。廠方更標榜呢套內衣係全日本製造，保證質量一定滿足到女士們嘅要求。不過，有女網民表示呢套內衣係就係好可愛同吸引，但係冇承托力，所以只會買嚟收藏而唔會穿着喎。
每位男士都唔想成為床上快槍手，因此點樣可以延長發射時間係非常重要。雖然坊間有唔少性學專家同醫生提供一啲延洩方法，但係大家都知專家有專家嘅講法，民間有民間嘅做法。早前英國有個關於男士延長發射時間方法嘅調查，結果發現有部分男士嘅延射方法實在令人意想不到。呢個由英國網站「Time To Orgasm」進行嘅調查，針對男士點樣推遲發射時間嘅方法，成功訪問咗1,024位男士，結果發現有百分之九十六嘅受訪者表示，佢哋曾經用過唔同嘅方法嚟延遲發射時間，至於有咩方法呢？頭5位最多人使用嘅方法，分別係有百分之六十三受訪者會轉換體位，百分之四十八會暫停活塞運動，百分之三十七會喺開波前先自娛，百分之二十六會使用厚身安全套，而透過諗工作嚟分散注意力，從而達至延遲發射時間嘅男士則有百分之十九。呢班受訪男士嘅方法都好正常，然而有百分之五嘅受訪者卻有令人意外嘅方法，就係喺啪啪啪時諗吓父母及祖父母嚟分散注意力，究竟呢個咁特別嘅方法係咪掂，真係要試過至知喇！
撰文：魂