做好防務鍊到盡 冠忠南區惡鬥富力R&F

鄭兆聰話練定12碼

冠忠南區上仗於聯賽主場以1比0小勝夢想FC，主帥鄭兆聰指該仗贏波過程有些驚險，但認為球隊表現不俗。雙方聯賽兩度碰頭均握手言和，今次於盃賽再遇，Ricky Sir明言會先做好防守，甚至有互射12碼的部署︰「畢竟富力擁有好嘅人腳，盃賽無論任何對手，都有加時同12碼嘅可能，所以我哋都會練習埋。」至於人腳方面，除門將謝德謙仍在養傷外，其餘隊員均可上陣。

富力R&F近2場聯賽均告失分，令聯賽排名跌至第4，主帥楊正光表示，球隊在最近兩周的休戰期，已就防守問題作檢討︰「連續兩場對強隊冠忠南區同傑志都失3球，當然有少少失望，但唔會因為咁樣而喺今場踢得比較保守，球隊喺防守工作上做咗啲訓練，務求今場嘅失球數字可以減到最低。」「光Sir」透露，目前陣中並無球員受傷患困擾，但強調球隊在應付對手反擊的時候，需要有更佳的應變能力。