首度躋身大滿貫前10
梁文冲前日打破咗大會紀錄之後，尋日佢喺最後一輪打出73桿，最終以280桿並列第8，首次進入大滿貫賽事嘅前10名。經今次賽事，大家都知道中國嘅高爾夫球員有躋身大滿貫前列嘅能力，而梁文冲亦肯定可以獲得明年嘅參戰入場券。
至於老虎活士整個比賽都維持「差」嘅水準，最後以總桿數286桿完成，排名並列28，可幸嘅係仍可保持世界「一哥」位置，而賽前奪標熱門美國嘅米高遜就並列12。其實，呢個今年最後一個大滿貫嘅冠軍之爭都幾激烈，美國扎克莊遜最後一洞被罰，錯失爭冠資格，而德國嘅基馬要經過三洞延長賽，先能夠擊敗美國嘅禾臣，贏得個人首個大滿貫冠軍，並袋走135萬美元嘅獎金。