足球大龍鳳排舞已起哄
由有線三位主持精心設計嘅「足球大龍鳳」呢個月底（30日）就開Show，尋日強尼、肥Sam同鍾國雄3位主持同埋一班World Cup Angel排舞，不過就好多「蝦碌」鏡頭，但佢哋對嚟探班嘅記者話唔擔心影響演出喎！其中肥Sam就有妙論：「計我話我哋跳成點都唔緊要，到時啲觀眾都係睇班Angel跳㗎啦！」
佢哋仲話個Show除咗齋Talk之外，仲有扮嘢環節，但會扮旺角場阿伯，或者圍繞足球嘅人物，就偏偏唔會扮球場入面嘅人喎。
「足球大龍鳳」已定於4月30日至5月2日喺九龍灣國際展貿中心地下展貿廳舉行，門票分$150同埋$100兩種，已經透過快達票推出市面。