過江女神：技師唔怕鬥 最怕冇得抖
面對內地骨場肉金價平兼五花八門出奇玩法，馬交夜場可謂處於被動狀態，之不過當地技師就唔太認同，喺利Ｘ水療工作嘅技師盈盈就認為，要搶客唔使鬥平鬥激，只要全情投入，自然長做長有，係咪咁簡單呀？
亂晒大龍
有馬交骨場經理話視內地邪骨如洪水猛獸，事關佢哋好似無王管，鍾意點玩都得，相反澳門卻唔敢太過進取。喺利×水療工作嘅技師盈盈就話完全唔放內地在眼內，反認為澳門玩法最受人客歡迎。盈盈解釋：「玩得太濫未必係好事，就以東莞十式為例，起初人人話正，但根本就冇一個標準系統，各有各自創十式甚至三十式，招式為創而創，結果搞到亂晒龍，玩家又點會享受先？相反，澳門街玩法有一套標準，咁大家至可以比較好壞！」阿妹講到似層層，玩家又係咪咁諗呢？
技師盈盈更表示，同佢交過手嘅人客都認為馬交玩得開心又放心，理由係服務細心，兼且有信心保證，更冇話「走鬼」添！「內地骨場質素參差，郁啲又話打大風，咁危險，人客玩得驚驚青青，試問又點會爽呢？」有道理，但問題係人家窮追猛打，馬交夜場總要求變保持競爭至得噃？「變，未必係夜場單方面，有啲係要按人客需要，要有做到以客為尊，就要睇大部分人客要求，舉個例雙飛咁，早年的確好流行，但有試玩過嘅人客認為體力不繼，兼且難以享受，所以今日就少咗人起雙飛，取而代之係囡囡專業細心嘅服務，令對方骨火盡出，咁至算物有所值！至於我個人留客方法，並非送多劑或出街陪食飯，而係只會全情投入，做到最後一秒，因為勤力做，人客最Buy！」
盈盈小檔案：
年齡：21歲
三圍：34-24-33
身高：5呎4吋
撰文：祖
攝影：生