以往因為民主派拉布，令到周三召開嘅立法會大會多次流會，要順延至下周三復會再處理，而建制派聯署要求修改《議事規則》，其中一項建議賦予立法會主席權力，除可按需要決定幾時舉行會議外，一旦遇上流會，可於同日稍後時間或翌日重新召開會議。咁樣做等於畀咗把「尚方寶劍」立法會主席梁君彥，等佢可以令到會議即日復活，唔會因民主派拉布而癱瘓立法會，簡直就係幫梁君彥解困。
