【本報訊】產後暴肥是不少媽媽「寫照」，身材走樣、胃口變大，又因湊仔無時間做運動。婦產科醫生靳嘉仁指出，產婦只要保持均衡飲食，多食高蛋白質食物，少吃高糖分、高澱粉食品和補品，配合適量運動便可收身，餵母乳也可以減肥。中大營養研究中心註冊營養師張可琪稱，孕婦暴肥後只須飲食正常，多吸收蛋白質，在辛苦照顧寶寶過程中，自然可減低體重。
產後自然收身的「星媽」周家蔚昨坦言：「我生完BB嗰陣重咗好多，足足重咗六十五磅，自己之後都係用健康的減肥方法，循序漸進，以開心的方法減磅，好似做運動，每星期做三次太空機，食少啲肥膩嘢，食多啲蛋白質同菜。」
育有三子女的名媛何倍倩稱：「主要戒飯，有時忍唔住，寧願多汁都係一至兩匙飯，戒飯會好快瘦；另外食三文魚食完會有飽肚感覺，唔會再食飯；仲有一個方法，就係飲酵素，可以美肌兼減肥，我鍾意用菠蘿加醋加水，再加少量糖，浸一日，一星期飲一次。」
事實上，纖體美容中心抽脂減肥存在不少風險，整形外科專科醫生金永強指，接受抽脂手術的病人體重超過二百磅，有機會患有多種隱疾，包括心血管病或糖尿病，病人的肺功能亦可能有問題，必須做好身體檢查及評估手術風險。若在接受療程間突然不適昏迷，可能因為隱性疾病發作或麻醉劑過量注射，接受療程人士身體有不良反應，或是脂肪恍如羊水般進入血管，堵塞去肺血液循環，令腦部缺氧。