政情：民記加入哪吒爭奪戰

哪吒尋日陪契媽講起新民黨有意拉攏佢，哪吒直認有其事，仲透露經濟動力及民建聯都搵過佢，至於會泊邊個碼頭，佢賣關子話：「我暫時係獨立人士。」哪吒心知入黨好處多，一來人手足，二來資源夠，點計都好過單打獨鬥。其實各人頭上一片天，哪吒有自己心目中條數，政黨心目中亦有一盤數。以民記嚟講，喺新界東爭上位嘅人已經夠擁擠，如果方國珊考慮加入民建聯，除非佢甘願暫時只係選區議員而唔係立法會議員啦。

至於曾栽培佢嘅自由黨，哪吒就話：「再見亦是朋友」喎。佢又語帶雙關話，「要爭取支持，唔可以單靠派嘢。」自由黨前排又派暖風機又派雞，哪吒咁講，矛頭好明顯喇。