政情：黃鴻超亂噏當秘笈

直資學校嘅學生經常被視為「非富則貴」嘅一群，好多帳委會成員就反而替貧困學生擔憂，尤其擔心綜援受助人會遭直資學校歧視。講吓講吓，有成員就問教育局官員，究竟綜援金包唔包直資學費嘅呢，成班官員不但答唔到，而且答案不一致。

有官員就答非所問，話政府會對經濟有困難嘅學生提供書簿和車船津貼，教育局局長孫明揚就醒目啲，寧願選擇唔答，話要返去問番間學校同社署有關綜援嘅做法，實行「唔答唔錯」。

至於黃鴻超，就唔識都亂咁答，話「綜援我理解係政府畀學費」。黃鴻超好快就調職，調去公務員事務局做常任秘書長。