政情：黃華麒唔撐下屬接棒？

政府上月公布如何配合港台發展嘅計劃，包括加開一個為期三年、由政務官做嘅廣播處副處長，似乎想將為政務官坐鎮港台嘅做法常規化，同時騰出另一個副處長畀港台中人。

尋日麒伯同戴健文一齊去立法會開會，會後問起麒伯點睇戴健文有意應徵處長。麒伯避重就輕話，港台一向有內部晉升做法，無論副處長、助理處長甚至其他港台員工，當局都有規章制度，每年認真研究員工表現同升職可能；今次公開招聘處長，係當局做決策，總之唔關佢事喇。

講開又講，港台惹火電視節目《頭條新聞》啱啱播咗十集又暫停，尋日麒伯畀議員質問係咪政治審查。麒伯借機澄清，個節目一向都係咁做，到時到候就要交換喺兩間免費電視台嘅播放時間，節目會捲土重來，總之同政治審查無關。