政情：張文斥工聯先抽水後轉軚
申亞諮詢唔單止令民意兩極化，亦凸顯立法會唔同黨派嘅矛盾。尋日民政事務委員會討論申亞諮詢結果，民主黨張文光大鬧支持申亞嘅工聯會王國興先抽水，攞民心，義正辭嚴；後轉軚，撐政府，理據薄弱。佢仲改編已故國家領導人毛澤東嘅詩句「牢騷太盛防腸斷，風物長宜放眼量」嚟提醒佢哋慎言。王國興亦唔係省油燈，即時反駁張文扣帽子，強調佢哋從無轉軚。其實鷸蚌相爭、漁人得利，可能座上嘅民政事務局局長曾德成，最樂見就係議員為申亞互片。
申亞諮詢唔單止令民意兩極化，亦凸顯立法會唔同黨派嘅矛盾。尋日民政事務委員會討論申亞諮詢結果，民主黨張文光大鬧支持申亞嘅工聯會王國興先抽水，攞民心，義正辭嚴；後轉軚，撐政府，理據薄弱。佢仲改編已故國家領導人毛澤東嘅詩句「牢騷太盛防腸斷，風物長宜放眼量」嚟提醒佢哋慎言。王國興亦唔係省油燈，即時反駁張文扣帽子，強調佢哋從無轉軚。其實鷸蚌相爭、漁人得利，可能座上嘅民政事務局局長曾德成，最樂見就係議員為申亞互片。
