政情：中大政政系猛人聚首

原來中大政政系嘅畢業生，為官或從政嘅的確唔少，根據政政系會刊嘅粗略統計，有二十幾個系友做咗政務官（ＡＯ），好似梁卓文同葉文娟咁，而做立法會議員嘅都有三人，以前有循選舉委員會參選嘅民建聯楊耀忠，今日有直選九龍西嘅梁美芬同新界東陳克勤。原來梁美芬、梁卓文同葉文娟同係八七年畢業，係同班同學，所以特別老友記。

政政系喺唔同年代有唔同嘅歷史任務，喺回歸前，政政系講師們都勇於評論回歸前後嘅各種政治問題，仲出咗一個立法局主席黃宏發添，近年反而轉歸平淡。