當外界盛傳鄉議局主席劉皇發準備讓出屯門龍鼓灘村代表選舉嘅時候，上星期五報名期限最後一日，發叔突然又走咗去報名。發叔盤據龍鼓灘超過五十年，今次面對三位劉姓原居民同佢鍊過，真係前所未見嘅競爭。尋日發叔如期出席行會，問佢點解明知有競爭，都喺最後一刻去報名，佢就幽自己一默話，有得投票咪好囉，事關佢都想經歷民主洗禮喎！
其實發叔已經洗濕咗個頭，保持樂觀心態應戰都係好事。