政情：嫻姐獲嶺大頒授榮譽院士

重申回歸政圈機會微

嫻姐話自己無做立法會議員以來，唔使畀各個會議纏身，多出嘅時間可以繼續為勞工謀福利，愈做愈起勁，所以雖然的確有好多唔同朋友叫佢去選超級區會，不過佢話依家再入政圈熱廚房嘅機會唔大喎！但政治一日都嫌長，大家不妨睇吓事態嘅發展喇。

同樣獲頒榮譽院士嘅仲有恒生銀行總經理馮孝忠。唔講唔知，馮孝忠原來同嶺大好有淵源，以前佢一直都未做過金融行業以外嘅公職，直至政府○三年委任佢做嶺大校董會成員，一做六年。馮孝忠話，做校董期間一直見住一班職員為學生奔波勞碌，令佢深受感動，所以今次獲頒榮譽院士，能夠繼續同嶺大有一份聯繫，覺得零舍高興！