政情：孫公懶理批評死撐減班

教育局局長孫明揚近來忙於推銷中學自願減班方案，不過方案就受到名校校友炮轟剝削學生利益，除咗英皇書院校友林超英，仲有九龍華仁書院校友梁家傑都批評孫公危言聳聽，不過孫公尋日就一於少理，繼續死撐自願減班計劃，話減班後中學可以釋出空間提升教育質素，諮詢後學界反應正面，仲叫大家以大局為重，但對名校校友嘅反對聲音就避而不談啦。