部門帶頭非法傾倒淤泥

有關私人屋苑位於觀塘區，樓齡已逾卅年，過去一直未發生水渠未能負荷豪雨衝擊事件。不過，早前經歷連場大雨後，屋苑停車場竟遭淹浸。曾到現場了解情況的當區區議員馬軼超直指水浸情況嚴重，「咁多年都冇聽過居民話有水浸過，今年就成日都浸」，經居民調查後，竟發現多名未有穿着制服的工人在屋苑對上斜坡傾倒泥頭。

地政署建築署A字膊

居民陳先生（化名）更在九月底攝得事發情況，「之前管理處已經同地政斜坡組投訴過，見政府冇反應，今次我見到咪即刻用手機影低佢！」陳指目睹多名手持「一桶桶垃圾同泥頭」的工人在沙井中取出垃圾及泥頭後，便直接傾倒於斜坡上，「倒咗好多桶，唔知係咪落大雨嗰陣沖晒落嚟，搞到塞咗條渠！」

涉事沙井位於兩幅斜坡中間，分別由地政總署及建築署管理，惟兩部門回應本報查詢時，均不約而同否認與事件有關，且同以斜坡清潔已外判為由，圖作開脫。

「個斜坡明明係佢哋管嘅，喺佢哋嘅地方發生咗事，冇理由咩都唔知！」馬軼超指出，曾在區議會會議上就事件質詢相關部門，地政總署斜坡組職員曾於會議後主動聯絡大廈管理處，表示因接獲管理處投訴，故承諾會盡快清理淤泥。但對於事發至今仍未有部門肯承認責任一事，馬則坦言極度失望。

收集淤泥 工人將沙井內淤泥取出，再放進黑色膠袋內。 （讀者提供圖片）	準備傾倒 工人將滿載淤泥及垃圾的黑色膠袋搬入草叢傾倒。	乾手淨腳 工人走出草叢，原本滿載的黑色膠袋已空無一物。

議員促徹查監察質素

立法會環境事務委員會委員陳淑莊直斥部門推卸責任，強調即使已外判工作，對違規行為仍責無旁貸，「依家係外判工作而唔係外判責任，部門有責任查番個真相出嚟！」陳促相關部門應盡快清理現場，「雖然啲工人冇着制服好難證明係邊個部門出錯，但係點都要清理咗先！」陳又促各部門須清晰記錄外判承建商日常工作，以便監察及確保服務質素。

記者：林永發