政情：鄭汝樺軟銷置安心

政府推出置安心資助置業計劃資助市民買樓，但好難保證唔會買貴樓，分分鐘係送半支豉油畀市民買隻貴價雞。運輸及房屋局局長鄭汝樺尋日喺電台軟銷置安心計劃，話樓市周期係會發生嘅，無人會有水晶球預知未來，但七年時間已足夠畀市民諗清楚係咪入市置業，又話政府做任何資助唔係要鼓吹市民去買樓，只係避免市民上錯車，否則好心做壞事，「愛你變成害你」！