政情：蘇利民話怕咗香港傳媒

另一單笑料係蘇利民當初抵埗時，曾經對阿女講，喺屋企唔好亂開門畀陌生人，擔心畀傳媒揭私隱，咁啱有次有記者打電話去佢屋企，阿女竟然嚇到講大話，聲稱無呢個人，搞到蘇利民捧腹大笑。

尋日係蘇利民最後一個工作日，今日佢就會搭飛機離港返澳洲老家。好唔捨得香港嘅蘇利民話，喺醫管局做咗五年，覺得傳媒對佢好好，唔係傳聞中咁可怕，仲話會好掛住大家，第日嚟香港旅遊，會買手信畀傳媒朋友添。至於佢下一任人選，佢就封口唔講，只係希望繼任人要關心前線醫護需要，聆聽市民聲音，將醫管局搞得有聲有色。