政情：王國興里斯本歎葡撻

去到葡萄牙，當然要食吓葡撻啦。王國興今次特登去咗葡撻發源地，一間位於首都里斯本嘅修道院參觀。據聞後來有商人向呢間修道院買咗條秘方，之後仲喺隔籬開咗間店舖「Pasteis de Belem」，將葡撻發揚光大。呢間店舖喺1837年創立，王國興當日去到已經排晒長龍，各國遊客去到里斯本，都梗要試試呢間正宗葡撻店。

王國興當然冇執輸，即時食咗一個，發現確實好好味，佢仲好感慨咁話，如果香港可以好似葡萄牙咁，大力鼓勵發展本地經濟，話唔定都可以有一間港版嘅「Pasteis de Belem」。