貨車長霸行人路跟進慢
荃灣區內工廠林立，貨車違泊情況嚴重。在橫窩仔街附近上班的姚先生指出，上址有工業大廈停車場對出行人路長期遭貨車佔用，儼如專用停車場，「啲貨車泊晒上行人路，當正係車位咁，幾個月前已經同運輸署投訴咗，但係就一啲改善都冇！」
警方發言人承認曾接獲同類投訴，事後已按靈活執行交通法例政策，檢控在上址違例停泊人士。運輸署發言人則表示，經調查研究後，已安排在上址加設標柱，防止車輛在行人路停泊。
「加啲鐵柱同欄杆有幾難？落實咗就要盡快做，咁先可以保障市民安全！」荃灣區議員陳恒鑌批評運輸署處理緩慢，促該署全面檢討，在區內工廠區行人路加設相關設施，避免車輛違泊。